Марқакөл ауданына кіре берісте жаңа стелла ашылды. Салтанатты шараға аудан әкімі Рүстембек Кемешев және жергілікті тұрғындар қатысты, деп хабарлайды F16.kz.
Аудан басшысы стелланың Марқакөлдің дамуы мен бірегейлігін бейнелейтін символ екенін атап өтті. Сондай-ақ алдағы уақытта инфрақұрылымды дамыту мен әлеуметтік жобаларды жүзеге асыру жұмыстары жалғасатынын жеткізді.
Бұл нысан өңірдің көркі мен келбетін айшықтап қана қоймай, сондай-ақ тұрғындар мен қонақтар үшін тартымды орынға айналып, аймақтың оң имиджін қалыптастыруға ықпал етеді.
Жобаның іске асуы аудандағы көркейту және туризмді дамыту бағытында қолға алынған жоспарлы шаралардың бір бөлігі екенін айта кету керек.
Марқакөл тұрғындары жаңа нысанды жылы қабылдап, ауданды таныстыруда маңызды символ деп бағалады.
