Оқу-ағарту министрі Жұлдыз Сүлейменова еліміздің мектептерінде бір адам екі жыл ғана директор болуы керек деген пікір айтты. Бұл туралы видео ведомство басшысының әлеуметтік желідегі жеке парақшасында жария болды, деп хабарлайды F16.kz.
Жеке өзімнің министр ретіндегі ұстанымым – директордың қызмет мерзімі екі жыл болуы қажет. Кемі екі оқу жылы болуы қажет. Ал егер ол директордың жұмыс нәтижесі жақсы болып жатса, білім сапасы жақсарса, балалардың нәтижесі жақсы болып, қауіпсіздік, мұғалімдердің біліктілігі мәселелері дұрыс болса, онда директорға тағы бір мерзім беруге болады. Сонымен 4 жылға тағайындалуы қажет деп санаймыз, – деді министр.
Алдағы уақытта бұл ұстаным тиісті бұйрыққа енгізілуі мүмкін.
