Елімізде оқушылар арасындағы жүктіліктің алдын алу үшін мектептегі қыздарды акушер-гинекологтар тексеруі мүмкін. Бұл туралы Денсаулық сақтау министрлігі мәлім етті, деп хабарлайды F16.kz.
Бұған дейін профилактикалық шаралар тек жалпы тексеріспен шектелетін. Жаңа өзгерістерге байланысты енді оқушылар гинекологтың қабылдауында болуы міндеттеледі. Жаңа жүйе бойынша мектептегі оқушы қыздар гинекологқа көрінуге тиіс. Бірақ, қыз балаларды ешкім рұқсатсыз қарамайды. Барлығы заңмен және медициналық этикамен реттеледі.
Министрліктегілердің айтуынша, бұл – барлық қызды жаппай қарау емес. Дәрігерлер тек белгілі көрсеткіш болған жағдайда, яғни шағым, симптом немесе қауіп байқалса ғана тексереді.
Профилактикалық тексеру өтетін мамандардың тізіміне акушер-гинекологты қосу көзделіп отыр. Гинекологиялық шағымдануы болса, болмаса жыныстық қатынасқа түскені туралы ақпараты болса, онда жалпы тәжиірбиелік дәрігер гинекологқа жолдама береді. Бірақ бұл жерде міндетті түрде ата-анасының келісімін алады. Қыз баланы тексеру анасының рұқсатымен анасының қатысуымен іске асырылады, – деді Денсаулық сақтау министрлігі аналар денсаулығын сақтау басқрамасының басшысы Шакизат Халықова.
Министрлік дерегінше, кейінгі жылдары жасөспірім қыздар арасындағы жүктілік пен аборт көрсеткіші айтарлықтай азайған. Мәселен, 2020 жылы 15-18 жас аралығында үш мың қыз тіркелсе, биыл олардың саны 1420-ға дейін төмендеген. Ал, жасанды түсік жасаған бұрымдылардың саны 870-тен асып шығылады.
