18 мамыр күні облыс орталығындағы өнер музейінде ерекше кеш өтеді. Бұл күні сан түрлі мерекелік бағдарлама көрермен көңілін қуанышқа бөлейді, деп хабарлайды F16.kz.
18 мамыр – халықаралық музей күні. Бұл дата жыл сайын әлемнің 150-ден астам мемлекетінде, соның ішінде елімізде кеңінен атап өтіледі.
Шығыс Қазақстан Өнер музейі атаулы күнге орай «Музейдегі түн: Жасанды зерде және мұра» деп аталатын мазмұны бай мерекелік бағдарлама әзірледі.
«Жасанды зерденің шынайы әлемі» деп аталатын І-көрме мен «Уақыт палитрасы» деп аталатын әсем көрме кештің сәнін кіргізбек.
Толығырақ:
15:00–17:00 — «Өнерлі робот». Мольберттегі сурет салу байқауы.
17:15–17:30 — Сурет байқауы жеңімпаздарын марапаттау (музейдің кіреберісі алдындағы алаң).
18:30–18:40 — Қонақтарды салтанатты қарсы алу, «Алла Ильчунның 100 жылдығына: Стиль мұрасы» дефилесі (музейдің кіреберісі алдындағы алаң).
18:40–20:10 — Көрмелер, жәрмеңке, шеберлік сабақтары, арт-аймақтар, жасанды зердемен жасалған картиналар көрмесі, роботтар көрмесі, интерактивті бағдарламалар (фойе, дөңгелек зал, паркет залы).
20:10–21:30 — Мерекелік концерттік бағдарлама (музейдің кіреберісі алдындағы алаң).
21:30–22:00 — Дискотека (музейдің кіреберісі алдындағы алаң).
