Ауа райының қолайсыздығына байланысты Шығыс Қазақстан облысында жергілікті маңыздағы кейбір автокөлік жолдары жабылды. Бұл туралы «ОблШығысЖол» ЖШС мәлім етті, деп хабарлайды F16.kz.
Өңірде қар жауып, боран соғып, көктайғақ болуы себепті Өскемен-Таулы Үлбі-Северное бағытындағы (45-60 км) жолда 12 желтоқсан сағат 18.30-дан бастап барлық көлік түрінің қозғалысына шектеу қойылды.
Сонымен қатар облыстық маңызға ие Мамай батыр-Бозанбай бағытындағы (12-36 км) жолда 12 желтоқсан сағат 18.00-ден бастап барлық көлік түрінің қозғалысына тыйым салынды.
