Халық қаһарманы Қасым Қайсенов атындағы 27943 әскери бөлімінде мектеп оқушыларына арналған ашық есік күні ұйымдастырылды, деп хабарлайды F16.kz.
Іс-шараның басты мақсаты – жас ұрпақты патриоттық рухта тәрбиелеу, әскери қызметтің маңызын түсіндіру және Отан қорғаушылардың күнделікті өмірімен таныстыру.
Ашық есік күнде біз әскери бөлімнің тыныс-тіршілігімен танысып, қару-жарақ үлгілерін көріп, сарбаздардың жаттығу процесіне куә болдық. Отан алдындағы борышты абыроймен атқару — әр ер азаматтың міндеті. Сондықтан әскери өмірмен жақынырақ танысуға мүмкіндік болғанына қуаныштымын, — деді Едіге Сейітхан.
Шара барысында әскери қызметшілер оқушыларға әскери тәртіп, жауынгерлік дайындық және заманауи техника туралы жан-жақты ақпарат берді.
