Өскеменде білім беру ұйымдары оқушыларға қауіпсіз әрі жайлы болу үшін тиісті жұмыстар атқарылып жатыр, деп хабарлайды F16.kz.
Қала әкімдігінің ақпаратына сүйенсек, мектептердің кіреберісі жарықтандырылып, жүріп-тұруға ыңғайлы етіп жасалып жатыр. Бүгінге дейін қаладағы №20, №1, №3 және №43 мектептерде құрылыс-монтаждау жұмысы толық аяқталды.
Қалған білім ұйымдарында жарық шамдары орнатылып, қосуға дайындалып жатыр. Атап айтқанда, бұл жұмыстар №14-ші және №12-ші мектептерде іске асырылуда.
Жалпы жоба аясында облыс орталығында 17 мектеп қамтылады. Нәтижесінде 172 баған орнатылып, 179 жарық шамы қосылады. Жұмыс жоспарға сай осы айдың соңына дейін аяқталады.
Біздің компания мектептерді жарықтандырумен айналысып жатыр. Бүгінге дейін қаладағы бірнеше білім ордасының айналасына бағандар орнатып, жарық шамын қостық. Қазір №14-ші және №12-ші мектептердің кіреберісіне жарық тартып жатырмыз. Жұмысты 30 тамызға дейін толық бітіреміз. – деді «Горсвет LTD» ЖШС бас инженері Максим Сидоров
