Өскемендегі №97 референдум учаскесінде алғашқылардың бірі болып қалалық мәслихатының төрағасы Александр Светаш дауыс берді, деп хабарлайды F16.kz.
Дәл қазір облыс орталығында және аудандарда дауыс берушілердің белсенділігі барған сайын артып барады.
Қалалық мәслихат төрағасы елдің болашағы айқындалатын маңызды сәтте дұрыс таңдау жасау әр азаматтың парызы дейді.
Бүгін еліміз үшін тарихи күн. Жаңа Конституция жобасы бойынша халық таңдау жасап, маңызды шешім қаблданады. Мен де азаматтық парызымды орындап, өз дауысымды бердім. Тұрғындардың белсенділік танытып жатқанын байқап тұрмын. Конституциялық реформа ел үшін маңызды. Сондықтан әрбір азамат өз таңдауын жасауға тиіс деп ойлаймын, — деді ол.
Айта кетейік, бүгін Қазақстанда жаңа Ата заңның жобасы бойынша жалпыұлттық референдум өтіп жатыр.
Облыста барлығы 533 сайлау учаскесі құрылған. Оның 501-і тіркеу орны бойынша, ал 32-сі уақытша орындарда орналасқан. Учаскелердің 129-ы немесе 24,2 пайызы Өскемен қаласында жұмыс істеп тұр.
