Өскемен қаласы әкімінің орынбасары болып Болатбек Мамарбаев тағайындалды. Бұған дейін ол қала әкімінің кеңесшісі қызметін атқарған, деп хабарлайды F16.kz.
Болатбек Омарбекұлы Мамарбаев 1988 жылы 5 ақпанда Абай облысы, Үржар ауданы, Маканшы ауылында дүниеге келген.
2013 жылы Шығыс Қазақстан аймақтық университетін мемлекеттік және жергілікті басқару академиясы мамандығы бойынша бітірген.
2024 жылы Президент жанындағы мемлекеттік басқару академиясын бизнес және басқару магистрі мамандығы бойынша тәмамдаған.
Болатбек Мамарбаевтың мемлекеттік қызметте тәжірибесі мол: Риддер қаласы әкімдігінде, Шығыс Қазақстан облысы ішкі саясат басқармасында, Ұлан ауданы әкімдігінде жауапты қызметтер атқарды. Тарбағатай ауданы әкімінің орынбасары болды. Кейінгі қызмет істеген жері – Өскемен қаласы әкімінің кеңесшісі.
