Семей және Өскемен қалаларында салынатын жылу электр орталықтарының (ЖЭО) құрылысына халықаралық компаниялар қатысуы мүмкін. Бұл туралы «Самұрық-Энерго» АҚ басқарма төрағасы Қайрат Мақсұтов айтты.
Айта кетейік, Көкшетау жылу электр орталығының құрылысы бойынша келісімшартқа қол қойылды. Басқарма төрағасының айтуынша, құрылысты Қазақстан-Қытай консорциумы жүзеге асырады. Қытайлық жабдық болады.
Семей ЖЭО мен Өскемен ЖЭО-сына келер болсақ, «Қазақстан дербес салады» деп айтқан кезімізде сөз «Самұрық-Энергоның» құрылысқа тапсырыс беруші болатындығы жайында болып тұр. Қазақстан тарабы қаржыландыратындығы жайында. Әлеуетті мердігерлерге келер болсақ, бұл ретте жеке жұмыс істелініп жатыр. Бұл жобаға қатысуға «Интер РАО», сондай-ақ қытайлық компанияларды қоса алғанда өзге де халықаралық мердігерлер ниет білдіре алады, — деді Қайрат Мақсұтов.
