Өскемен-Шемонаиха-Ресей Федерациясы шекарасы жолы жөнделіп жатыр. Аталған жол учаскесінің жалпы ұзындығы 121 шақырымды құрайды. 2024-2025 жылдары бұл бағытта орташа жөндеу жүргізіліп, 94 шақырымға жаңа асфальтбетон жабыны төселген, деп хабарлайды F16.kz.
«ҚазАвтоЖол» ҰК» АҚ Шығыс Қазақстан облыстық филиалының мәліметіне сүйенсек, биыл жұмыстар Зевакино ауылынан Рассыпное ауылына дейінгі 27 шақырымдық учаскеде жалғасады.
Жолға орташа жөндеу жүргізіледі. Қазір мердігер ұйым ретінде «ОблШығысЖол» ЖШС анықталып, қазіргі уақытта дайындық басталып кетті. Құрылыс-монтаж жұмыстары мамыр айында басталады деп жоспарланып отыр, — делінген хабарламада.
Қазіргі таңда қолайсыз ауа райына (жаңбыр мен қарға) байланысты жөндеу жұмыстарын бастау мүмкін болмай отыр.
Жоспар бойынша жөндеу жұмыстары жыл соңына дейін аяқталу керек.
