Жекешелендіру жөніндегі ұлттық кеңсенің цифрлық платформасында (ҚР Бәсекелестікті қорғау және дамыту агенттігінің бөлімшесі) жекеменшікке берілетін мемлекеттік нысандардың тізімі жарияланды. Бұл тізімде Өскемен СЭС-і де бар, деп хабарлайды F16.kz.
Кәсіпорын өкілдері дәл қазір нысан штаттық режимде жұмыс істеп тұрғанын хабарлады. Ал жекешелендіру туралы ақпаратты растаған да жоқ, теріске шығарған да жоқ
Айта кетейік, «Өскемен СЭС АЭС» ЖШС «Самұрық-Энерго» холдингінің құрамына кіреді.
Қазір жұмыс істеп тұрған су электр станциясының өндірістік нысандарын пайдалану және басқару «Өскемен СЭС АЭС» ЖШС-ға тиесілі. Тізімде көрсетілген акционерлік қоғам — бұл жеке заңды тұлға болып саналады және ол жұмыс істеп тұрған станцияның жұмысына әсер етпейді. СЭС күз-қыс кезеңіндегі жұмысқа дайындық паспортына ие, барлық технологиялық процесс қауіпсіздік талаптарына сәйкес жүргізілді. Станса штаттық режимде жұмыс істеп тұр, — делінген кәсіпорын таратқан ақпаратта.
Сонымен қатар жекешелендіруге ұсынылған 473 нысанның қатарында «ALTAI-NEWS медиа-орталығы» ЖШС да бар. Оның құрамына жүз жылдық тарихы бар өңірдің қос басылымы «Дидар» мен «Рудный Алтай» газеттері, Аltainews.kz сайты кіреді. Бұл нысанды жекешелендіру де 2026 жылға жоспарланған.
