Өскеменде екі бірдей автокөлікті заңсыз иемденіп, көлік құралдарын есірткіге масаң күйде жүргізген 25 жастағы тұрғын ұсталды, деп хабарлайды F16.kz.
Күдікті алдымен тұрғын үйдің ауласында ұзақ уақыт бойы тұрған Mazda Cronos автокөлігін байқаған. Ол мобильді қосымша арқылы эвакуатор шақырып, бөгде біреудің автокөлігін рұқсатсыз металлоломға өткізіп жіберген. Көлік иесіне шамамен 1 миллион теңге көлемінде шығын келтірілген.
Бір аптадан кейін күдікті қонақта болған кезде кіреберісте қалдырылған LADA 21703 автокөлігінің кілтін байқап, жағдайды пайдаланып, кілтті алып, көлікпен рұқсатсыз кетіп қалған. Сонымен қатар оның бұған дейін көлік құралдарын басқару құқығынан жеті жыл мерзімге айырылғаны анықталды, — дейді ШҚО ПД баспасөз қызметі.
Автокөлікті патрульдік полиция қызметкерлері тоқтатқан кезде жүргізілген медициналық куәландыру оның ағзасында каннабиноидтар барын көрсетіп, есірткіге масаң күйде болғанын растаған.
Қазіргі уақытта қылмыстық істер қозғалып, күдікті уақытша ұстау изоляторына қамалды.
