Өскеменде «Алтай» көтерме-тарату орталығы ашылды. Өңірдегі ең ірі сауда орталығының бірінен саналатын нысанның ашылуына ШҚО әкімі Нұрымбет Сақтағанов келіп қатысты, деп хабарлайды F16.kz.
Облыс әкімі атап өткендей, бұл – ауыл шаруашылығы өнімдерін тікелей сатуға мүмкіндік беретін, толыққанды логистикалық хаб. Бұл орталық арқылы аймақ тұрғындары жаға жеткізілген сапалы өнімдерді делдалсыз әрі үстеме бағасыз сатып ала алады.
– Орталықтың іске қосылуымен бірден бірнеше мәселені шешеміз, атап айтқанда, ауыл шаруашылығы өнімдерін сақтап, қайта өңдеуге жағдай жасаймыз, бағаның тұрақтылығын қамтамасыз етеміз және сенімді азық-түлік қорын құрамыз, – деді ШҚО әкімі нысанның ашылу салтанатында.
Аймақ басшысы бұл орталықтың пайдалануға берілуі өңірдің азық-түлік қауіпсіздігін нығайтуға және ауыл шаруашылығы саласын қолдауға бағытталған маңызды қадам болғанын атап өтті.
Жаңа көтерме-тарату орталығы Жібек жолы көшесі, 44 мекенжайында орналасқанын айту керек.
