10 ақпан күні, яғни кеше ЖМК ауданында белгісіз ер адам ауладан өтіп бара жатқан қыз балаға шабуыл жасаған, деп хабарлайды F16.kz.
Бұл туралы қала тұрғыны Threads әлеуметтік желісінде жазды.
Бүгін жұмысқа бара жатқан жолда Қазыбек би даңғылы, 34 мекенжайының маңында маған ер адам шабуылдады. Шамамен 17-18 жас шамасында көрінді. Артымнан тарпа бас салып, басымнан ұра бастады, одан кейін қашып кетті. Куәгерлерді іздеймін. Сақ болыңыздар, — деп жазды ол.
Оқиға қызу талқыланып, артынша Instagram желісінде тағы осы ауданда ер адамның мұғалімді басынан ұрып, жасырынып қалғаны жөнінде ақпарат тарай бастады.
Күдіктінің жеке басы анықталды. Ер адамның мүгедектігі бар және есепте тұр. Қазіргі уақытта ол облыстық психоневрологиялық диспансерге орналастырылды, — делінген ШҚО ПД баспасөз қызметінің хабарламасында.
