Өңірлік коалиция белсенділері Өскеменнің Б.Александров атындағы спорт сарайында өткен хоккей матчы кезінде жанкүйерлер арасында үгіт-насихат жұмысын жүргізді.
Іс-шара аясында белсенділер тұрғындарға жаңа Ата заңның маңыздылығы кеңінен түсіндіріп, көпшілікті алдағы республикалық референдумға белсенді қатысуға шақырды.
Сонымен қатар, XXV жазғы Сурдлимпиада ойындарының чемпионы Фаина Мейірманова жаңа Конституция жобасын қолдайтынын білдіріп, ел болашағы үшін маңызды шешімдерге бейжай қарамауға шақырды. Оның айтуынша, ел дамуына бағытталған бастамалар әрбір азаматтың жауапкершілігіне тікелей байланысты.
Әр азаматтың таңдауы – ел болашағына жасалған маңызды қадам. Сондықтан бейжай қалмай, ортақ іске өз үлесімізді қосайық!
