Ақпанның алғашқы бейсенбісі — Дүниежүзілік сайлау күні. Осыған орай Өскемен қалалық аумақтық сайлау комиссиясы төрағасының орынбасары Азат Қасымов Д.Серікбаев атындағы ШҚТУ-да жастармен кездесу өткізіп, Қазақстан Республикасының сайлау жүйесі туралы түсіндіру жұмыстарын жүргізді.
Кездесудің басты мақсаты — жастардың электоралдық белсенділігін арттыру және демократиялық құндылықтарға деген көзқарасын қалыптастыру.
Іс-шара барысында сайлаудың демократиялық қоғамдағы маңызы, азаматтардың сайлау құқығы және Қазақстандағы сайлау жүйесінің негізгі қағидаттары түсіндірілді.
Сондай-ақ сайлау комиссияларының қызметі, олардың сайлау процесін ашық әрі әділ өткізу жолындағы міндеттері туралы да сөз қозғады.
Әрбір Қазақстан азаматы 18 жасқа толғаннан кейін сайлауға қатысуға құқылы. Сонымен қатар, 25 жасқа толған азаматтар мәслихат депутаттығына, ал 40 жастан бастап президенттікке үміткер бола алады. Қазіргі таңда Қазақстанда жастардың сайлау процестеріне белсенді қатысуы маңызды. Жастар – кез келген елдің болашағы мен дамуының негізі. Қазақстанда жастардың сайлау процесіне белсенді қатысуы елдің демократиялық дамуында маңызды рөл атқарады, — деп атап өтті Азат Қасымов.
Айта кетейік, Қазіргі таңда елімізде ресми тіркелген 7 саяси партия жұмыс істейді.
