Өскемендегі 30-шы гвардиялық дивизия көшесінде орналасқан студенттер жатақханасында өрт шықты, деп хабарлайды F16.kz.
Жатақхананың тоғызыншы қабатындағы бөлмелердің бірінде өрт тұтанған. Мекеме әкімшілігі іштегілерді эвакуациялап үлгерді. Құтқарушылар 16 шаршы метр аумақты шарпыған өртті сөндірді.
Зардап шеккендер жоқ. Оқиғаның мән-жайы анықталып жатыр.
Төтенше жағдайлар министрлігі өрт қауіпсіздігі ережелерін сақтауды, электр құрылғыларын қараусыз қалдырмауды және өрт шыққан жағдайда дереу 112 нөміріне хабарласуды ескертеді.
