Жоспар бойынша жаңа орталықта 2 волейбол залы болады. Оның бірі жарыстар өткізуге, екіншісі жаттығуға арналған, деп хабарлайды F16.kz.
Бүгін Шығыс Қазақстан облысының әкімі Нұрымбет Сақтағанов Өскемендегі волейбол орталығының құрылысы басталған жерге барды.
Көрермен залы 200 адамға шақталған. Одан бөлек кешенде киім ауыстыру, жуыну, медицина қызметі бөлмелері болады, санитарлық тораппен толық қамтамасыз етіледі.
Құрылыс жұмыстарын жүргізіп жатқан бас мердігер – «DK PROEKT». Аймақ басшысы құрылыс сапасына баса мән беру керектігін жеткізді.
Өңірде волейболы қарқынды дамып келе жатыр. Сондықтан біз бұл спорт түрімен шұғылданатын адамдарды жан-жақты қолдауымыз керек. Жақсы нәтижелер көрсетіп жүрген облысымыздың «Berel» волейбол клубының өз залы болуға тиіс. Олар халықаралық додаларда үздіктердің қатарынан көрініп, жанкүйерлерін қуанта береді деп сенемін, — деді Нұрымбет Сақтағанов.
Айта кетейік, жаңа нысанның құрылысы биылғы желтоқсан айында аяқталуға тиіс.
