Қыстың көзі қырауда Өскеменнің Ертіс көпірінде жол жөндеу жұмысы қызу қолға алынды. Дәлірек айтсақ, жолшылар көпірдің асфальт қабатында пайда болған қаптаған ой-шұңқырды бітеп жатыр, деп хабарлайды F16.kz.
Бұл уақытша шара, себебі қыста жолды толық жөндеу мүмкін емес. Сондықтан жұмысшылар шұрық тесік асфальтты жамау үшін шұңқырға құм төгіп, кесек тас-кірпішпен тегістеуге мәжбұр.
Өскемен әкімі Алмат Ақышов көпірдің қазіргі жағдайы сын көтермейтінін айтып, нысанға күрделі жөндеу жұмысы биылғы мамырда басталатынын жеткізген. Жаз шыққанша шұңқырларды жамап, уақытша ағымдағы жөндеу жүргізуді тапсырған.
