Өскемендегі Шығыс Қазақстан облыстық мамандандырылған медициналық орталығының гинекология бөлімшесіне күрделі жөндеу жүргізілді, деп хабарлайды F16.kz.
Аталған мәселе тұрғындар тарапынан бірнеше жылдан бері көтеріліп, «AMANAT» партиясының Партиялық бақылау комиссиясының тұрақты бақылауында болды. Бөлімшені жаңғырту – партияның халық алдындағы уәделерін орындауға бағытталған жүйелі жұмысының нәтижесі. Осы бағытта бірқатар депутаттық сауалдар жолданып, жауапты органдармен бірлескен нақты шаралар қабылданды.
Жөндеу жұмыстарының сәтті аяқталуына «Қазмырыш» компаниясы мен жергілікті атқарушы органдар елеулі үлес қосқан. Осындай тиімді әріптестіктің нәтижесінде өңір медицинасының инфрақұрылымы жақсарып, халыққа сапалы қызмет көрсету мүмкіндігі артты.
Біздің мақсат – халықтың аманатын орындау. Гинекология бөлімшесінің қайта ашылуы – азаматтар көтерген нақты мәселенің шешілгенінің айқын дәлелі. Біз осы бағыттағы бақылауымызды жалғастыра береміз,- деді ШҚО бойынша Партиялық бақылау комиссиясының төрағасы Мұхтар Төлеген.
