Өскемен қаласындағы Назарбаев Зияткерлік мектебінің оқушысы Айзере Жеңісханова Өзбекстан Республикасының Ташкент қаласында өткен Халықаралық химия олимпиадасында (IChO 2026) алтын елқа тағынып, ел мерейін үстем етті, деп хабарлайды F16.kz.
Дарынды оқушының жетістігіне жетекшілік етіп, халықаралық деңгейдегі дайындық жұмыстарына үлес қосқан тәлімгері – Өскемен қаласындағы Назарбаев Зияткерлік мектебінің химия пәнінің мұғалімі Жанар Семейханқызы.
Әлемдегі ең беделді пәндік білім додаларының бірі саналатын олимпиадаға биыл 90-нан астам мемлекеттен 350-ден астам дарынды оқушы қатысқан. Қатысушылар теориялық білімдерімен қатар күрделі тәжірибелік жұмыстарды орындап, ғылыми мәселелерді шешу қабілеттері бойынша сынға түсті.
Айзере Жеңісханова Қазақстан ұлттық құрамасының сапында ел намысын абыроймен қорғады.
Айта кету керек, Айзере үшін бұл Халықаралық химия олимпиадасындағы алғашқы жетістік емес. Ол бұған дейін де әлемнің үздік жас химиктері бақ сынайтын додаға екі рет қатысып, бір күміс және бір қола медаль иеленген.
