Ресейдің Саран қаласында өрт-құтқару спортынан өтіп жатқан жасөспірім қыздар мен ұлдар арасындағы XIV әлем чемпионатында шығысқазақстандық спортшы екі дүркін күміс жүлдегер атанды, деп хабарлайды F16.kz.
Көрші елдегі дүбірлі бәсекеге Қазақстан атынан барлығы 17 спортшы қатысты. Олардың қатарында Шығыстың намысын арқалаған Никита Боков та бар. Никита бірден екі сайыс түрінен сынға түсіп, екеуінде де үздіктер қатарынан көрінді. Нақтырақ айтқанда, орта топтағы жасөспірімдер арасында шабуыл сатысымен көтерілуде ол екінші орынды жеңіп алып ғана қоймай 7.26 секунд нәтижесімен Қазақстан рекордын орнатты.
Кедергілермен жүз метрлік жолақты еңсеруде 20.32 секунд уақыт көрсетіп, тағы бір күміс медальді қоржынға салды.
