25 қазан күні елімізде Республика күні мерекеледі. Ұлттық мерекеге орай өңірде түрлі іс-шаралар легі жоспарланған, деп хабарлайды F16.kz.
Облыстық мәдениет басқармасының жоспарына сәйкес, 24 қазан күні сағат 11.00-де Солжағалау саябағында ұлттық киім дүкені ашылып, шапандар шеруі өтеді.
Өскемендіктер 25 қазан күні мерекені қылқалам шеберлерінің қолынан шыққан өнер туындыларын тамашалаумен бастайды. Өнер музейінде сағат 11.00-де «Бабалар рухы» көрме-байқауы ашылады.
Осы уақытта Арбатта «Шығыс Қазақстан облысының табиғаты» фотокөрмесі де ашылады. Тұрғындар облысымыздың әсем табиғатын тамашалай алады. Ал, Қ.Қайсенов атындағы этносаябақта «Бірлігі жарасқан Қазақстан» мерекелік іс-шарасы өтіп жатады, — дейді жауапты мекеме өкілдері.
25 қазан күні сағат 12.00-де Император сауда үйінде «Қыран елім – Қазақстан!» мерекелік бағдарламасы ұйымдастырылса, сағат 13.30-да Maxi mall сауда үйінде жергілікті шығармашылық ұжымдарды «Елімнің еркін рухы» концерттік бағдарламасын ұсынады.
Сағат 16.00-де Алтай көтерме және бөлшек сауда орталығында фольклорлық-этнографиялыұ «Алтай» ансамблі концерт береді.
Ал, кешкі 17.00-де Maxi mall сауда үйінде Респбулика күніне орай театрландырылған кнцерт-спекталь қойылады.
