Өскемен қаласына кіреберісте жүк көлігін тексеру кезінде 4 тоннадан астам заңсыз ауланған балық анықталды, деп хабарлайды F16.kz.
Биылғы 18 ақпанда қала прокуратурасы мен криминалдық полиция бөлімінің қызметкерлері бірлескен жедел-іздестіру іс-шарасы барысында облыс орталығына кіреберісте күдік тудырған жүк көлігі тоқтатылды. Тексеру кезінде ірі көлемдегі заңсыз ауланған балық партиясы табылды. Тәркіленген өнімнің жалпы салмағы 4 тонна 181 келі тартты.
Өскемен қаласы прокуратурасының мәліметінше, Қылмыстық кодекстің 335-бабы бойынша іс қозғалды. Күдікті тұлғалар ұсталып, сотқа дейінгі тергеп-тексеру басталды. Жүк көлігі айыппұл тұрағына қойылды.
