Келер жылғы 5 қаңтардан бастап Өскеменнен Катонқарағайға жолаушылар автобусы жүре бастайды. Бұл бағыт аймақ тұрғындары мен қонақтары үшін қатынасты әлдеқайда жеңілдетеді, деп хабарлайды F16.kz.
Маршрут кестесіне сәйкес, автобус Өскемен қаласынан таңғы сағат 08.10-да шықса, Катонқарағай ауылынан 09.15-те жолға шығады. Алғашында автобус күнара қатынайды. Атап айтқанда, 5 қаңтар күні Өскемен қаласынан шығып, Катонқарағай ауылына барып қонады. Ал 6 қаңтарда кері бағытта жүреді.
Алдағы уақытта жолаушылар ағыны артса, екі автобус бір мезгілде қарама-қарсы бағытта күнделікті жүретін болады.
Билеттерді: Өскемен қаласында «Адал» автовокзалынан, Катонқарағай ауылында автобус кондукторынан сатып алуға болады.
