Шығыс Қазақстан облысында қолданылатын 165 қатты тұрмыстық қалдықтар полигонының тек 21-і экологиялық заңнама талаптарына сай келеді. Қоқыс полигондарына жүргізілген мониторинг нәтижесінде осындай дерек анықталды, деп хабарлайды F16.kz.
Сыбайлас жемқорлыққа қарсы іс-қимыл агенттігі облыстық департаментінің ақпаратына сүйенсек, қатты тұрмыстық қалдықтар полигондарының басым бөлігі тиісті талаптарға сай келмейді. Олардың дені қоқыс төгетін орынға айналған. Ал жергілікті атқарушы органдар жер учаскесін берумен ғана шектеліп отыр.
Облыстық санитарлық-эпидемиологиялық бақылау департаментінің мәліметінше, өңірде бар—жоғы сегіз полигон ғана оң қорытындығы ие болған. Үлкен Нарын, Самар, Марқакөл ауылдық округтерінде және Тарбағатай, Зайса, Катонқарағай аудандарында қатты тұрмыстық қалдықтар полигонына рұқсат құжаттар алынбаған.
Фото: kaband/Shutterstock/Fotodom
