Бүгін бүкіл аумағында «Қауіпсіз жол» республикалық жедел-профилактикалық іс-шарасы басталды. Патрульдік полиция қызметкерлері күшейтілген режимде жұмыс істеп, республикалық және облыстық маңызы бар жолдарға қосымша бекет қойылады, деп хабарлайды F16.kz.
Профилактикалық шараның басты мақсаты – жолдағы қауіпсіздікті қамтамасыз етіп, жол-көлік оқиғаларының алдын алу және жүргізушілер мен жаяу жүргіншілер арасында тәртіп қалыптастыру.
Ауыр зардаптарға әкеп соқтыруы мүмкін жағдайлар, жылдамдық режимін арттыру, қарсы жолаққа шығу және озу ережелерін бұзу, көлікті алкогольдік не есірткілік мас күйінде басқару сияқты өрескел құқық бұзушылықтарға ерекше көңіл бөлінеді. Сондай-ақ көлік құралдарының техникалық жағдайы, күзгі-қысқы маусымға дайындық барысы да назарға алынып, мектеп маңында түсіндіру жұмыстары жүргізіледі, — дейді ШҚО ПД баспасөз қызметі.
ШҚО ПД жүргізушілер мен жаяу жүргіншілерді жол жүру ережесін сақтап, мұқият болуға шақырады.
