Telegram мессенджерінің негізін қалаушы Павел Дуров Қазақстанда жасанды интеллектіге арналған зертхананың ашылатынын мәлім етті. Бұл туралы ол Астанада өткен Digital Bridge 2025 халықаралық форумында мәлімдеді, деп хабарлайды F16.kz.
Жасанды интеллектіге мамандандырылған зертхана бүгін, 2 қазан күні Alem.ai ғимаратында ашылмақ.
Ең алдымен біз Telegram мен Қазақстанның суперкомпьютерлік кластері арасындағы бірлескен жобаны іске асырамыз. Бұл технология 1 млрд-тан астам адамға жасанды интеллект мүмкіндіктерін құпия, ашық әрі тиімді түрде пайдалануға мүмкіндік береді. Біз Қазақстанның суперкомпьютерлік кластері осы желі үшін алғашқы ірі есептеу қуатын жеткізуші болады деп үміттенеміз, – деді Дуров.
