Мемлекет басшысы Қасым-Жомарт Тоқаев маңызды саяси науқан — Құрылтай сайлауы алдағы тамызда өтетінін айтты, деп хабарлайды F16.kz.
Президент атап өткендей, Конституция күшіне енгеннен кейін бір палаталы Құрылтайды сайлау туралы Жарлыққа қол қойылады.
Мемлекет басшысы ретінде еліміз үшін елеулі оқиғалар туралы алдын ала ақпарат беру өте маңызды деп санаймын. Конституция күшіне енген сәттен бастап бір палаталы Құрылтай сайлауын өткізу жөніндегі Жарлыққа қол қоямын. Сайлау биыл тамыз айында өтеді. Мұны әдейі ерте айтып отырмын. Өйткені партиялардың жоспарын айқындап, сайлау науқанына дайындық жүргізуіне жеткілікті уақыт болуы керек. Осылайша, партиялардың сайлаушылармен тиісті жұмыс жүргізуіне бес айға жуық уақыт беріледі. Құрылтай сайлауы Қазақстанның бүкіл саяси жүйесін жаппай «қайта құруға» жол ашады. Бұл ретте біз жүзеге асырып жатқан саяси және экономикалық реформалар қоғамдық сананың оң сипатта өзгеруіне әсер етуге тиіс, — деді Тоқаев.
