Риддерде ауқымды экологиялық акция өтті. Оған қала тұрғындары, белсенді жастар, еріктілер мен әртүрлі мекемелердің, кәсіпорындардың өкілдерінен құралған 400-ден астам адам қатысты, деп хабарлайды F16.kz.
«Таза Қазақстан» республикалық акциясы аясында ұйымдастырылған іс-шара барысында табиғат жанашырлары қала іргесіндегі тау баурайына ағаш көттерін екті. Оның ішінде 120 шырша мен 80 емен ағашының көшеттері бар. Бұл табиғи тепе-теңдікті сақтап, кеншілер шәрін көгалдандыру жолындағы маңызды қадам болды.
Бұдан бөлек игі бастамаға қатысушылар аумақты тазалап, қоқысты жинады. Нәтижесінде ол жер тұрғындардың демалуы үшін анағұрлым таза әрі жайлы орынға айналды.
Ортақ күш-жігердің арқасында риддерліктер туған өлкені құрметтеудің, бірлік пен жанашырлықтың жарқын үлгісін көрсетті.
