«Саламатты Қазақстан» медициналық пойызы бүгін Шығыс Қазақстан облысының Предгорное ауылында жұмысын бастады, деп хабарлайды F16.kz.
Дәрігерлер пойызы сегіз ауыл мен станцияны аралып, халыққа қызмет көрсетеді.
Барлығы 36 білікті дәрігер келді. Тұрғындар терапевт, хирург, педиатр, невропатолог, радиолог, кардиолог, стоматолог, офтальмолог, отоларинголог, онколог-маммолог, гинеколог және урологтан кеңес ала алады. Ақ халаттылар өз кезегінде алғашқы көмек көрсетіп қана қоймай, шағын хирургиялық операцияларды да жүргізеді, — деді облыстық денсаулық сақтау басқармасының баспасөз қызметі.
Пойыздың Шығыс Қазақстан облысындағы маршруты төмендегідей:
Предгорное – 10.09 (07:00) – 11.09 (20:40)
Тишинская – 12.09 (00:15) – 13.09 (21:00)
Черемшанка – 13.09 (21:44) – 15.09 (21:00)
Таусамалы – 16.09 (00:45) – 17.09 (20:50)
Қүмістау – 17.09 (21:39) – 19.09 (20:50)
Бұқтырма – 19.09 (21:32) – 21.09 (20:50)
Заводинка – 21.09 (21:29) – 23.09 (20:50)
Тұрғысын – 23.09 (21:21) – 25.09 (20:50)
Айта кетейік, көшпелі бригада құрамында медиатор мен заңгер де бар.
