Самар ауданында Туризм және инвестициялар орталығы құрылды. Ол инвестициялық жобаларды насихаттау және өңірдің туристік кластерін дамыту алаңы ретінде жұмыс істейді, деп хабарлайды F16.kz.
Әкімдік жанынан ашылған орталық қызметінде негізгі үш бағытқа басымдық беріледі. Атап айтқанда, туризм, ауыл шаруашылығы және өнеркәсіп.
Әсіресе, жағажай туризмін дамытуға ерекше көңіл бөлініп отыр. Самардың бірегей жағалауы халықаралық бренд мәртебесіне ие болып, Қазақстаннан ғана емес, шетелден де туристер тартуға тиіс.
Бұл орталық аудан экономикасына инвестиция салуға дайын кәсіпкерлердің жобасына тиісті көмек көрсетіп, қажетті ақпаратпен қамтамасыз етуге жәрдемдеседі.
Жаңа құрылымның жұмысы ауданның инвестициялық тартымдылығын арттыруға және оның облыс экономикасындағы рөлін нығайтуға жол ашады.
Айта кетейік, бүгін Президент Қасым-Жомарт Тоқаев халыққа Жолдауында инвестиция тартудың маңыздылығына баса назар аударып, оның ел экономикасын дамытудағы басты рөлін белгіледі.
