Ұлан ауданында саңырауқұлақ теруге шыққан 1953 жылғы зейнеткер орманда адасып кеткен. Құтқарушылар кейуананы заманауи техниканың көмегімен тапты, деп хабарлайды F16.kz.
Зейнеткер үйіне баратын жолды бірнеше сағат бойы таба алмағандықтан 112 арнасына хабарласып, көмек сұраған.
Әйел адамның орналасқан жері ұялы телефонының сигналы бойынша анықталды. Іздеу тобы аумақты зерттеу үшін ұшқышсыз ұшу аппаратын(дрон) қолданып, Асубұлақ ауылына жақын таулы-орманды жерден зейнеткерді тапты. Ол медициналық көмекке мұқтаж болған жоқ, — дейді ШҚО ТЖД баспасөз қызметі.
Құтқару операциясына ТЖМ, орман шаруашылығы мен полиция бөлімшелерінен барлығы 14 жеке құрам және 5 бірлік техника жұмылдырылған.
