«Әділет» партиясының өкілдері Күршім тұрғындарымен кездесті. Ашық әңгімеде жұртшылық өзекті мәселелерді көтеріп, ұсыныстарын ортаға салды. Бұдан бөлек, штаб мүшелері Өскемендегі мүлік иелері бірлестіктері мен пәтер иелері кооперативтерінің өкілдерімен жүздесті. Жиында 2026–2031 жылдарға арналған сайлауалды бағдарламаның негізгі бағыттары таныстырылып, қатысушылардың сауалдарына жауап берілді. Құжатта 2030 жылға дейін 86 мың шақырым инженерлік желіні жаңғырту және жаңадан салу көзделген. Бұл мақсатқа шамамен 13 триллион теңге жұмсап, инфрақұрылымның тозу деңгейін 40 пайызға дейін төмендету жоспарланған. МИБ, ПИК төрағалары мен коммуналдық қызметтерді байланыстыратын бірыңғай цифрлық платформа өтініштерді жедел қарауға мүмкіндік береді.
Жалпыұлттық социал-демократиялық партиясының өкілдері Өскемендегі «MaxiMall» сауда-ойын-сауық орталығына барды. Нысанға партияның жылжымалы баннерлері орнатылды. Белсенділер сауда орнының келушілерімен әңгімелесті. Тұрғындарға сайлауалды тұғырнама таныстырылды. Бағдарламаның негізгі бағыттарына түсінік берілді. Кездесу кезінде ақпараттық парақшалар үлестірілді. Науқан көпшілікпен тікелей байланыс орнатуға бағытталды.
«Байтақ» жасылдар партиясының өкілдері «Жазира» сауда үйінің алдындағы ашық алаңда қоғамдық қабылдау өткізді. Жиынға жергілікті тұрғындар қатысты. Оларға партияның сайлауалды бағыттары жөнінде мәлімет берілді. Келушілерге үгіт-насихат парақшалары таратылды. Бұдан бөлек, белсенділер Қасым Қайсенов кентіне барды. Онда Ұлан ауданының тұрғындарымен жүздесті. Кездесу барысында бағдарламалық ұстанымдар таныстырылды.
Қазақстан Халық партиясының сайлауалды штабы Ұлан ауылының тұрғындарымен кездесті. Жиында ауыл жұртшылығын толғандырған өзекті мәселелер талқыланды. Қатысушылар елді мекендегі түйткілдер туралы пікір білдірді. Штаб өкілдері партияның сайлауалды бағдарламасын таныстырды. Оның негізгі бағыттарына түсінік берілді. Басты бастамалар жөнінде ақпарат ұсынылды. Кездесу ашық пікір алмасу форматында өтті.
«Ауыл» партиясының өкілдері Зайсан ауданының тұрғындарымен кездесті. Осындай кездесу Марқакөл ауданында да өтті. Белсенділер сайлауалды бағдарламаның негізгі бағыттарын таныстырды. Жергілікті жұртшылыққа партия бастамалары түсіндірілді. Қатысушылар өңірге қатысты мәселелер жөнінде пікір алмасты. Кездесулер тікелей диалог түрінде ұйымдастырылды. Ақпараттық жұмыс екі ауданды қамтыды.
«Ақ жол» партиясының өкілдері «ЗАЙСАН«құрылыс компаниясы» ЖШС ұжымымен кездесті. Кәсіпорын қызметкерлеріне сайлауалды бағдарламаның негізгі бағыттары таныстырылды. Келесі жүздесу аудандық аурухана мамандарымен өтті. Медицина қызметкерлеріне партия бастамалары түсіндірілді. Партия мүшелері «ARNNA MINERALS» ЖШС еңбеккерлерімен де әңгімелесті. Бұдан бөлек, халық көп жиналатын орындарға үгіт парақшалары ілінді. Тұрғындарға ақпараттық материалдар таратылды.
«Respublica» партиясының республикалық сайлауалды штабының мүшесі «Өскемен жылу желілері» ЖШС ұжымымен кездесті. Жүздесуге кәсіпорын қызметкерлері қатысты. Оларға партияның сайлауалды бағдарламасы таныстырылды. Негізгі бағыттар бойынша ақпарат берілді. Штаб мүшесі ұсынылған бастамаларды түсіндірді. Еңбек ұжымы өз пікірін ортаға салды. Кездесу ашық диалог форматында өтті.
