Абай облысының орталығы Cемей шаһарында 25 мың орындық жаңа стадионның құрылысы басталды, деп хабарлайды F16.kz.
Жоба «Туған жерге туыңды тік» инвестициялық форумы аясында Семей қаласы әкімдігі мен KAZ Minerals ЖШС арасында жасалған меморандум аясында жүзеге асырылады. Нәтижесінде 20 гектар аумақта 25 мың көрерменге арналған заманауи стадион салынады. Қазір мердігер ұйыммен үшжақты келісімшарт жасалып, жел телімі қоршалып, топырақты қазу және тегістеу жұмысы жүргізіліп жатыр. Жобада жергілікті жердің табиғи-климаттық ерекшеліктері толық ескерілген. Құрылыс жұмысы екі жылда аяқталады.
Бұл – семейліктердің көптен күткен жобасы. Семей – қазақ футболының отаны. Жаңа стадион УЕФА стандарттарына сай болады. Жұмысты бәсеңдетпей жалғастыру қажет, қаржы кезең-кезеңімен бөлінеді, – деді облыс әкімі Берік Уәли.
