Шемонаиха қаласындағы «Антарес» қонақ үйі қайта жабдықталып, SPA-салон, бассейн, монша ашылады, деп хабарлайды F16.kz.
Жеке кәсіпкер «AMANAT» партиясының «Ауыл Аманаты» жобасы аясында қонақ үйді жабдықтау үшін мемлекеттен 8,4 млн теңге көлемінде қолдау алған.
«Ауыл Аманаты» бағдарламасы арқылы өз ісімді дамытуға үлкен мүмкіндік алдым. Біз тек қонақ үйді жайлы етуге ғана емес, Шемонаихадағы туризм саласын дамытуға да үлес қосуды көздеп отырмыз. Алдағы жоспарымыз – қала тұрғындары мен қонақтарына сапалы қызмет көрсетіп, өңірдің туристік әлеуетін арттыру, – дейді жоба қатысушысы Марина Блок.
Айта кетейік, қонақ үйдің жалпы аумағы – 780 шаршы метр, 18 нөмірге, 48 төсек-орынға есептелген. Сондай-ақ, 50 автокөлікке арналған тұрақ пен жылы гараждар бар. Қазіргі таңда 6 нөмір пайдалануға берілген. Әрлеу жұмыстары жалғасып, қажетті жабдықтар сатып алынуда, мүмкіндігі шектеулі жандарға да қолайлы жағдай жасалған. Алдағы уақытта қонақ үйде SPA-салон, бассейні бар монша, кәдесый дүкені ашылып, қаланың көрікті жерлеріне экскурсиялар ұйымдастыру жоспарланып отыр.
