Бүгін өңір басшысы Нұрымбет Сақтағанов азаматтарды жеке мәселері бойынша қабылдады, деп хабарлайды F16.kz.
Қабылдауға өңір тұрғындары ғана емес, басқа қала тұрғындары да келіп, медицина, ауылды дамыту, жол инфрақұрылымы, спорт және кәсіпкерлікке қатысты мәселелерді көтерді.
Айта айтқанда, астаналық Игибай Шалов «Қазақстан кластері» жобасын ШҚО-ның 2026-2030 жылдарға арналған даму жоспарына енгізу туралы бастама көтерді. Оның айтуынша, жоба қала мен ауыл арасындағы тиімді өзара қатынасты құруды көздейді. Аймақ басшысы бейінді ведомстволарға тұжырымдаманы, оның ішінде қаржылық-экономикалық негіздемені қарауды және оны жаңа бесжылдық жоспарға енгізуді қарастыруды тапсырды.
Ал, Быструха ауылының тұрғыны Татьяна Троеглазова ұлының еміне қажет «Хумира» дәрісін алуға көмек сұрады. Облыс әкімі денсаулық сақтау басқармасына үнемделген қаражат есебінен препаратты сатып алуды жеделдетуді, сондай-ақ 2026 жылы қаржыландыруды бөлу мүмкіндігін қарастыруды жүктеді.
Денсаулық сақтау басқармасы орфандық аурулармен, оның ішінде кәмелетке толмаған идиопатиялық артрит сияқты дертке шалдыққан балалардың толық тізімін жасауы қажет. Олардың ешқайсысы медициналық көмексіз қалмауы керек, — деп атап өтті Нұрымбет Сақтағанов.
Көлік ғылымының докторы Нұрлан Нұғыманов механикалық грейдердің жаңа түрін таныстырды. Нұрымбет Сақтағанов жаңа техниканы аудан әкімдіктері мен жолдарды күтіп ұстау, абаттандырумен айналысатын мердігерлік ұйымдарға көрсету керектігін атап өтті.
Егер сынақтар сәтті өтсе, онда біз бұл техниканың өзіміз үшін ғана емес, ел бойынша шығарылуын қамтамасыз ете аламыз. Әсіресе осы жолдарын ретке келтіру керек ауылдық округтер үшін өте тиімді болады, — деді облыс әкімі.
Риддер қаласындағы «Олимпиец» спорт клубының директоры Михаил Ковалев спорттық инфрақұрылымды дамыту бойынша сұрақтарымен жүгінген. Ол шаңғы трассасын абаттандыру мәселесін көтерді. Риддер әкімдігі жерді ресімдеу жұмысын жеделдетіп, спорт нысанын абаттандыру мүмкіндігін пысықтауы қажет.
Риддер – қысқы спорт түрлері мамандарының ұстаханасы. Инфрақұрылымға қатысты мәселелерді шешу арқылы қалада түрлі деңгейдегі жарыстар өткізе аламыз. Қазір биатлон трассасын қайта құру және күтіп ұстау мәселесін де қарастыру қажет, — деді Нұрымбет Сақтағанов.
Өскемен қаласының тұрғыны Ербол Мұхаметқалиев 22 шағын аудандағы учаскесін суға және электрмен жабдықтауға қосу туралы өтініш білдірді. Оған желілер қазірдің өзінде пайдалануға берілгенін, енді оларға қосылуды учаскелердің иелері жеке-жеке жүзеге асыратынын айтты.
Жеке қабылдау барысында айтылған барлық өтініштер бақылауға алынды. Жауапты басқармалар мен жергілікті атқарушы органдарға әрбір мәселе бойынша нақты тапсырмалар берілді.
