Шығыс Қазақстан облысының әкімі Нұрымбет Сақтағанов қайта жаңғырту жұмысы жүріп жатқан «Өскемен-1» теміржол вокзалында болып, құрылыс барысын қадағалады, деп хабарлайды F16.kz порталы.
Облыстың жолаушы көлігі және автомобиль жолдары басқармасының мәліметінше, жобаға мердігер мекеме «Промтехмонтаж» ЖШС жауапты. Бүгінде ғимараттың беларқасы мен қаттылық диафрагмасы орнатылған. Ары қарай бірінші қабатты қаптау және арматура байлау басталады. Одан кейін бірінші қабаттың жабынына бетон төселіп, қабат газоблокпен жиналады. 17 желтоқсаннан бастап екінші қабатта жұмыстар басталады. Нәтижесінде вокзалдың санаты жоғарылап, ғимараттың жалпы ауданы 700 шаршы метрден 1800 шаршы метрге дейін ұлғаяды.
Осы жылдың аяғына дейін екінші қабаттың төбесі жабылады. Жұмыстың сапалы жүргізілуі жіті бақылауға алынған. Жаяу адамдарға арналған жаңа жерүсті өткелін салу үшін «Қазақстан темір жолы» ұлттық компаниясымен келіссөз жүргіземіз, — деді Нұрымбет Сақтағанов.
Айта кетейік, құрылыс басындаы 30-дан астам адам және екі техника жұмыс істеп жатыр.
