Енді шығысқазақстандықтар құқық қорғау органдарына өтініштерін eGov Mobile және банк қосымшалары арқылы жолдай алады, деп хабарлайды F16.kz.
Жаңа жүйе “Халық үніне құлақ асатын мемлекет” тұжырымдамасы аясында енгізілген.
Статистикаға сүйенсек, аймақ тұрғындары цифрлық форматты жиі қолданатыны белгілі. Мәселен, 2026 жылдың алғашқы үш айында ғана онлайн севистер арқылы 379 өтініш келіп түскен.
Тұрғындар eGov Mobile 205 өтініш, Kaspi.kz арқылы 112 және “Police — 102” арқылы 59 өтініш жолдаған. Оның ішінде жартысынан астамы, яғни 211-і жолда жүру ережесін бұзуға қатысты. Осындай қырағылықтың арқасында полиция жолдағы қауіпті жағдайлардың алдын алады, — деп мәлімдеді ШҚО ПД баспасөз қызметі.
Цифрлық арналар тұрмыстық зорлық-зомбылық фактілері мен кәмелетке толмағандардың қатысуымен болған оқиғаларға жедел әрекет етуге мүмкіндік береді. Аталған деректер бойынша заңды процестік шешімдер қабылданды.
Полиция азаматтарды қолжетімді цифрлық сервистерді белсенді пайдалануға шақырады.
