«Қазгидромет» алдағы күндерге арналған ауа райы болжамын жариялады. Кең циклон Қазақстан аумағының басым бөлігінде өз ықпалын сақтайды. Осыған байланысты кей аймақтарда бұрқасын жел соғып, қар жаууы мүмкін, деп хабарлайды F16.kz.
Республиканың басым бөлігінде желдің екпіні 15–20 м/с, кей жерлерде 23–28 м/с жетеді.
Шығыс өңірлерде термометр бағаны түнде -12…-28°С-тан -7…-20°С-қа дейін, күндіз -7…-18°С-тен -5…-15°С төмендейді, — делінген хабарламада.
ШҚО ТЖД құтқарушылары тұрғындарға жолдың жай-күйі туралы ақпарат алмай алыс жолға шықпау, қауіпсіздік ережелерін қатаң сақтау керектігін ескертеді.
