Шығыс Қазақстан облысының бес ауылында биыл жаңа мешіт салынады. Бұл туралы ШҚО дін істері басқармасының басшысы Жанат Мекеева айтты, деп хабарлайды F16.kz.
Басқарма басшысының айтуынша, облыс көлемінде дін саласында төрт түрлі мемлекеттік қызмет көрсетіледі. Барлық қызметтер тегін және бекітілген ережелерге сәйкес ұсынылады.
Басқарма миссионерлерді тіркеу, діни әдебиеттер мен діни мазмұндағы заттарды таратуға арналған орындарды келусі, ғибадат үйлерін салу және ғимараттарды ғибадат нысандарына бейімдеу бойынша қызмет түрін көрсетеді, — деп атап өтті Жанат Мекеева.
Жыл басынан бері миссионерлерді тіркеу бойынша Ресей, Германия және Израильден келген үш шетелдік азаматқа рұқсат берілген. Ал, діни әдебиеттер мен діни мазмұндағы заттарды таратуға 11 кәсіпкерлік субъектісі рұқсат алды.
Ғибадат үйлерін салу бойынша 5 өтініш келіп түсті. Атап айтқанда, Үлкен Нарын ауданының Үлкен Нарын ауылында, Глубокое ауданының Белоусовка кентінде және Бобровка ауылында, сондай-ақ Зайсан ауданының Біржан, Қарабұлақ ауылдарында мешіт салуға рұқсат берілді. Өскемендегі діни рәсім өткізетін зал мен тұрғын емес ғимарат шіркеу ретінде қайта жабдықталатын болды, — деді басқарма басшысы.
Қазіргі күні басқарма мемлекеттік қызметтердің сапасын арттыру бағытындағы жұмыс істеп жатыр.
