Бүгін, 10 наурызда ауа райының қолайсыздығына байланысты Өскемен, Риддер қалаларында және Зайсан ауданында бірнеше мектеп қашықтан оқыту форматына ауыстырылды, деп хабарлайды F16.kz.
Атап айтқанда, бірінші ауысымда М.Дәуленов атындағы мектеп-интернат, Х.Мұстафина атындағы мектеп-лицей, М.Әуезов атындағы орта мектеп, М.Ломоносов атындағы орта мектеп, Сауыр орта мектебі және Ю.Гагарин атындағы орта мектептің 0–11 сынып оқушылары қашықтан білім алады.
Сондай-ақ Айнабұлақ және Жарсу орта мектептерінің 1-сынып оқушылары да қашықтан оқыту форматына ауыстырылды. Бұл шешім желдің күшеюіне байланысты қабылданды.
Ал Зайсан ауданындағы қалған 20 мектеп штаттық режимде жұмыс істеп, оқушылар дәстүрлі форматта білім алады.
Сонымен қатар күннің күрт бұзылуы себепті бүгін Өскеменде бірінші ауысымның 0-5 сынып оқушылары, Риддерде 0-9 cынып оқушылары қашықтан білім алатын болады.
