Шығыс Қазақстан облысының бірқатар аудандарында және Өскемен қаласында электр желілеріне жоспарлы жөндеу жұмыстары жүргізіліп жатыр, деп хабарлайды F16.kz.
Айта кетейік, жөндеу жұмыстары «БЭСК» АҚ жүргізіп жатыр.
Жауапты кәсіпорын жұмыс барысында уақытша жарық өшірілуі мүмкін екенін ескертіп, тұрғындардан уақытша қолайсыздық үшін кешірім сұрайды.
Өшірілімдердің кестесі мен мекенжайын «БЭСК» АҚ-ның ресми сайтынан ( https://besk.kz/ru/po ) көруге болады.
2025 жылғы 24 шілдедегі жағдай бойынша жөндеу жұмыстары келесі мекенжайларда жүргізіліп жатыр:
Өскемен қаласында:
- 24 шілде – ПС-22 Л-209 (Шмелев Лог ауданы: Теміржол, Лазо, Тельман, Ползунов, Рылеев, Партизан, Памирская көшелері және т.б.);
- 24–25 шілде – ПС-43 (Л-9, Л-10, Л-11, Л-15) – заңды тұлғалар нысандары, оның ішінде «УКТС» ЖШС және «Қазақтелеком» АҚ.
Алтай ауданында:
- 23–25 шілде – Серебрянск қаласы (Пушкин, Панфилов, Графтио, Ертіс және т.б. көшелер), Алтай қаласы (Лермонтов, Ломоносов, Путинцево көшелері), Новая-Бухтарма кенті, Средигорное және Парыгино ауылдары.
Үлкен Нарын ауданында:
- 24–25 шілде – Майемер ауылы (Тайбұға көшесі) және Ново-Хайрузовка ауылы (КТП-4).
Зайсан ауданында:
- 23–25 шілде – Зайсан қаласы (Сарсенов, Жәнібек, Сәтпаев, Куняров көшелері), сондай-ақ Шілікті, Сартерек, Жалши, Тасбастау, Капитан-Бұлақ, Кемпір-Бұлақ, Аққұдық, Половинка, Дәуал, Ауыз-Талды елді мекендері, «Тарбағатай Мұнай» вахталық кенті және «СтройЭнержиКомпаниз» ЖШС нысандары.
Тарбағатай ауданында:
- 23–25 шілде – Жалаңаш, Қабанбай, Сәтпай, Бесшатыр, Көктүбек, Жалғызтал ауылдары.
Жұмыстар негізінен сағат 08:00-ден 17:00-ге дейін, кейде18:00-ге дейін жүргізіледі.
Жағдай облыстық энергетика және тұрғын үй-коммуналдық шаруашылық басқармасының тұрақты бақылауында.
