Шығыс Қазақстан облысында ер адам суға батып кетті. Оқыс оқиға Ұлан ауданының Шалқар көлінде болған, деп хабарлайды F16.kz.
Куәгерлердің айтуынша, 2001 жылы туған жігіт көлде арнайы тақтамен (SUP board) жүзіп жүрген. Үстінде қауіпсіздік жейдесі болмаған.
Облыстық төтенше жағдайлар департаментінің баспасөз қызметі хабарлағандай, қазір құтқарушылар суға батқан жігіттің денесін іздестіріп жатыр. Бұл жұмысқа сүңгуірлер мен қажетті құрал-жабдық жұмылдырылған. Көлдің тым терең болуы іздестіру жұмысын қиындатып тұр.
