Наурыз мерекесі күндері Шығыс Қазақстан облысының халыққа қызмет көрсету орталықтары (ХҚО) мен мамандандырылған ХҚО-лар уақытша жұмыс істемейді, деп хабарлайды F16.kz.
Атап айтқанда, демалыс күндері 21, 22, 23 және 24 наурыз деп көрсетілген. Ал 25 наурыз, сәрсенбіде кезекші ХҚО мен мамандандырылған ХҚО-лар жұмыс істейді. Бұл күні азаматтарды қабылдау уақыты сағат 09.00-ден 13.00-ге дейін жалғасады.
Айта кетейік, мереке күндерінен кейін барлық ХҚО мен мамандандырылған ХҚО-лар, соның ішінде кезекші орталықтар да, бекітілген жұмыс кестесіне сәйкес қалыпты режимде қызмет көрсетеді.
Кезекші ХҚО мен мамандандырылған ХҚО-лардың өзекті тізімін Мемлекеттік корпорацияның ресми gov4c.kz сайтынан, Instagram желісіндегі ресми парақшасынан немесе 1414 нөмірі арқылы білуге болады.
