Өңірдегі кәсіпорындардың бірі экологиялық рұқсатсыз қондырғылар орнатып, жұмыс істеген, деп хабарлайды F16.kz.
15 қазан күні ШҚО бойынша Экология департаменті «ВекторСолано» ЖШС-ға қатысты жоспардан тыс тексеру жүргізген. Нәтижесінде кәсіпорын Алтай ауданының Октябрьск кенті маңында қондырғылардың экологиялық рұқсат алмай орнатқаны анықталған.
Бұған дейін кәсіпорын мемлекеттік инспекциялар мен бақылау органдарының лауазымды тұлғаларының жұмысына кедергі келтіргені үшін сот шешімімен әкімшілік жауапкершілікке тартылған, — дейді департамент өкілдері.
Қазіргі уақытта кәсіпорын әкімшілік жауапкершілікке тартылып, іс материалдары әрі қарай қарау үшін Өскемен қаласының әкімшілік сотына жіберілген.
