Шығыс Қазақстан облысының Марқакөл ауданында мұғаліміне былапыт сөз айтқан 17 жастағы оқушыға айыппұл салынды, деп хабарлайды F16.kz.
Марқакөл ауданының соты істі қарап, оқушының әрекетін әкімшілік құқық бұзушылық туралы кодекстің 434-бабы бойынша саралаған. Оқушының әрекеті ұсақ бұзақылық деп танылды.
Сот шешімімен 17 жастағы жасөспірім ұсақ бұзақылық жасағаны үшін 30 275 теңге айыппұл төлеуге міндеттелді.




