Экология және табиғи ресурстар министрі Ерлан Нысанбаев ШҚО әкімдігінде өткен кеңесте өңірдегі экологиялық ахуалға ерекше назар аударды, деп хабарлайды F16.kz ШҚО әкімінің баспасөз қызметіне сілтеме жасап.
Министр өнеркәсіптік кәсіпорындардың қоршаған ортаға әсерін азайтудың маңыздылығын атап өтті.
Осы жиынға қатысып отырған ірі кәсіпорындардың басшылары атмосфералық шығарындыларды бақылау жүйелерін одан әрі жаңғыртып, зиянды шығарындылар көлемін қысқарту бағытындағы жұмыстарды жалғастыруға тиіс. Сонымен қатар ірі бизнес өкілдерін ШҚО ұлттық парктерінде халықаралық деңгейдегі туристік нысандарды дамытуға және инвестиция салуға белсенді қатысуға шақырмын, — деді облыс әкімі Нұрымбет Сақтағанов.
Атап айтқанда, Катонқарағай ауданындағы Балықты бұлақ шатқалында ұзақ мерзімді жалға беруге дайын шамамен 3 гектар бос инвестициялық жер учаскесі бар. Жобаның болжамды инвестиция көлемі шамамен 3 млрд теңгені құрайды.
Аталған жер учаскесінің маңынан республикалық маңызы бар «Өскемен – Рахман қайнарлары» автожолы өтеді. Бүгінде Шығыс Қазақстанның ұлттық парктерінде инвесторларға ұсынылатын осындай бірнеше инвестициялық алаң бар.
