ШҚО-да «Заң мен тәртіп» жобасы аясында ерекше форматтағы кездесу өтті, деп хабарлайды F16.kz.
Студенттер мен сотталғандар арасында өткен телемосттың негізгі мақсаты — жастарға сотталған азаматтардың өмірлік тәжірибесі негізінде құқықтық жауапкершілікті түсіндіру, құқық бұзушылықтың алдын алу мен заңға бағыну мәдениетін қалыптастыру.
Мұндай кездесулер жастарға саналы таңдау жасауға және қоғам алдындағы жауапкершілікті түсінуге ықпал етеді. Телемост форматында өткен іс-шараға 100-ден астам студент қатысып, сұрақтарын қойып, құкықтық сауаттылығын арттырды, — дейді ШҚО ПД баспасөз қызметі.
Іс-шараға ШҚО прокуратурасы, қылмыстық-атқару жүйесі департаменті, есірткі қылмысына қарсы іс-қимыл басқармасы және «Жастар Рухы» ЖҚ облыстық филиалының өкілдері қатысқан.
Кездесу барысында жазасын өтеушілер өз өмір жолымен бөлісіп, қателіктері мен салдары және заң бұзушылықтың зардаптары жөнінде ашық сөз қозғады.
